На 25. 12. 2010 година, Св. Спиридон Чудотворец еп. Тримитунски, Неговото Високопреосвештенство Митрополитот Поварадарски г. Агатангел заедно со Надлежниот Архиереј Неговото Високопреосвештенство Митрополитот Брегалнички г. Иларион, во сослужение на Игуменот на Лесновскиот манастир отец Дамаскин и свештеници од Брегалничката епархија, а во прекрасното источно пеење на братството од Лесновскиот манастир, во женскиот манастир посветен токму на Светиот Спиридон Чудотворец, метох на Лесновската обител, отслужи Света Архиерејска Литургија. На крајот од Литургијата содржајно слово одража Митрополитот Повардарски г. Агатангел а Надлежниот Митрополит г. Иларион Му се заблагодари на Својот брат во Христа Митрополитот г. Агатангел за големата љубов кон Брегалничката епархија односно кон метосите на Лесновскиот манастир. По ова Митрополитите г. Агатангел и г. Иларион го благословија и пресекоа славскиот леб. За сите присутни верници од рацете на монасите и монахињите беше приредена заедничка трпеза на љубовта.

  

По повод одбележувањето на Јубилејот „1100 години од упокојувањето на свети Наум Охридски Чудотворец“  на ден 22 декември 2010 година, во катедралниот храм „Света Софија“ во Охрид се одржа свечена духовна академија, организирана од Собранието на Република Македонија. Академијата ја отвори протоѓакон Ратомир Гроздановски, професор на Богословскиот факултет „Св. Климент Охридски“ во Скопје, а свои поздравни говори имаа Неговото Блаженство Архиепископот Охридски и Македонски г.г. Стефан и потпретседателот на Собранието на Република Македонија г-ѓа Светлана Јакимовска. За прекрасниот духовен амбиент се погрижи хорот „Св. Злата Мегленска“ од Скопје. На свеченоста беа присутни и Нивните Високопреосвештенства Митрополитот Дебарско-кичевски г. Тимотеј и Митрополитот Повардарски г. Агатангел, потпретседателот на Владата на Р. Македонија задолжен за европски прашања г. Васко Наумовски, градоначалникот на град Охрид г. Александар Петрески, деканот на Богословскиот факултет „Св. Климент Охридски“ во Скопје протоереј-ставрофор Александар Гиревски, пратеници од Собранието на Р. Македонија, членови на Советот на град Охрид, претставници од Армијата на Р. Македонија, како и други гости.

     

   

   

   

   

На денот кога Светата православна црква го чествува споменот на Преподобен Данило Столпник; Преподобен Никон Сувиот; во манастирот посветен на Св. Наум, охридскиот чудотворец во скопската населба Радишани, беше отслужена Заупокоена Литургија во спомен на четириесетиот ден од упокојувањето на Кирил Петров. На Литургијата чиноначалствуваше Митрополитот Повардарски г. Агатангел во сослужение на Митрополитот Брегалнички г. Иларион и голем број на свештенослужители и монаси, а во присуство на Неговото Блаженство, Архиепископот Охридски и Македонски Г.Г. Стефан и Митрополитот Дебарско-кичевски г. Тимотеј.