На 19.11.2009 година (четврток) во салата на општина Велес се одржа трибина со работен наслов „Вредностите на модерното општество“ на која, меѓу другите, учество зема и секретарот на Повардарската епархија, ѓакон Влатко Стоименов. Тој во своето воведно излагање, на присутните се обиде да им ги појасни доблестите и принципите врз кои почива христијанската вера, и да објасни дека тежнеењето кон доброто, убавото и возвишеното се всушност принципите  кои треба да бидат патеводитеки на сите христијански души за определување и придржување кон вредностите во денешното модерно општество, кое е обременето со голем број на предизвици.

На празникот на  Светите Козма и Дамјан; Преподобниот маченик Јаков со учениците Јаков и Дионисиј; (14.11.2009 година) во црковно-народната кујна во Велес се одржа првото од предвиденте низа предавања на тема „Запознавање со верата“. На ова прво предавање, пред повеќето присутни свое излагање имаше отецот Ангел Станчев, а исто така на прашањата на присутните одговараа и дипломираниот теолог Никола Ѓорѓиев и  завршениот богослов Бобан Ѓорѓиевски. Циклусот предавања „Запознавање со верата“ ќе се одвива секоја сабота во просториите на црковно-народната кујна при Повардарската епархија во Велес, со почеток во 12 часот.