На 7 март 2010 година, во Крстопоклона седмица, кога Светата Црква го слави споменот на светиот маченик Маврикиј и седумдесетмина војници, и  Многубројните маченици во Евгенија близу Цариград,  во храмот „Свето Вознесение Христово“ во Гевгелија, се ослужи Света Божествена Литургија. На Литургијата чиноначалствуваше Митрополитот Повардарски г. Агатангел во сослужение на повеќе свештеници.

На крајот на Литургијата верниот народ се причести со Светите  Христови Тајни.