Skip to content
  • JoomlaWorks AJAX Header Rotator
  • JoomlaWorks AJAX Header Rotator
  • JoomlaWorks AJAX Header Rotator
Прегледувате:
Спомен на чудата на Свети Архангел Михаил
19.09.2007.
   
Sample Image
 
     На денот кога Македонската православна црква го прославува споменот на чудата на Свети Архангел Михаил, Митрополитот Повардарски г. Агатангел, во сослужение на свештенство од велешкото и кавадаречкото архиерејско намесништво отслужи Света архиерејска литургија.

            Божествената литургија традиционално се одржа во манастирот посветен на „Св Архангел Михаил во селото Долна Бошава, Неготинско, кој заедно со манастирските конаци е подигнат во 1839 г., а неговата внатрешност е зографисана во 1880 г. За време на литургијата Митрополитот Агатангел беседеше за чудата на Архангел Михаил. По завршувањето на Светата Литургија беше извршен водосвет, а беше осветен и прекршен и славскиот колач.

 

Sample Image
 
Sample Image
 
Sample Image
 
Sample Image
 
 Sample Image
 
  Sample Image

 
  Sample Image

 

Спомен на чудата на Св. Архангел Михаил

Во Фригија имаше едно место наречено Хони („нурнување”) недалеку од Ерапол; и на тоа место извор со чудотворна вода. Кога Светиот апостол Јован Богослов со Филип го проповедаше Евангелието во Ерапол, тој погледна на она место и прорече дека таму ќе се отвори извор на чудотворна вода од која многумина ќе добијат исцеление и дека тоа место ќе го посети великиот Божји Архистратиг Михаил. Наскоро потоа ова пророштво се исполни, се отвори извор којшто заради својата чудесна сила се прочу на сите страни. Еден незнабожец во Лаодикија имаше нема ќерка и заради ова беше во голема тага. Но во сон му се јави Архангелот Михаил и го упати да ја води својата нема ќерка на изворот, каде што ќе оздрави. Таткото веднаш послуша, ја одведе ќерката и кај водата затекна многуброен народ, којшто на изворот си бараше спасение од разни маки. Тие сите беа христијани. Тогаш човекот ги праша како треба да бара исцеление, а христијаните му рекоа: „Во името на Отецот и Синот и Светиот Дух треба да го молиш Светиот Архангел Михаил.” Оној човек така и се помоли и ја напои ќерка си од водата, а потоа девојката почна да зборува. Тогаш тој човек незнабожец се крсти заедно со сиот свој дом, а крај изворот му изгради црква на Светиот Архангел Михаил. Подоцна на тоа место се насели едно момченце по име Архип и таму се подвизуваше во тврд подвиг на пост и молитва. Незнабожците многу му пакостеа, зашто не им беше по волја тоа што од хриситјанската светост исходи толкава сила и привлекува многуброен народ. Па во својата злоба тие ја навртеа блиската река за да ги потопи црквата и изворот. Но откако Архип му се помоли, повторно се јави Светиот Архангел и во карпата покрај црквата отвори расцеп којшто ја прими сета навртена река. Така она место се спаси и се нарече Хони („нурнување”) зашто реката се нурна во отворената бездна. Свети Архип се подвизуваше тука седумдесет години и се упокои мирно во Господа.

 

 
< Претходно   Следно >