Неговото Високопреосвештенство Митрополит Повардарски г. Агатангел благоволи да богослужи Божествена Литургија и да проповеда:

            На 05.01.2008 год., Преп. Наум Охридски; преп. Нифонт Кипарски, во храмот „Свето Вознесение Хрисово“ – Велес, со почеток во 08,00 часот ; 

            на 06.01.2008 год., Преп. мч-чка Евгенија (Бадник - Коледе), во храмот „Успение на Пресвета Богородица“ – Велес, со почеток во 08,00 часот; 

            на 07.01.2008 год., Рождество Христово Божик, во Соборниот храм „Св. вмч. Пантелејмон“ – Велес, со почеток во 08,00 часот; 

            на 08.01.2008 год., Собор на Пресвета Богородица; св. Никодим Прилепски, во храмот „Св. вмч. Димитриј“ – Кавадарци, со почеток во 08,00 часот; 

            на 09.01.2008 год., Св. архиѓакон и првомаченик Стефан, во храмот „Св. Атанасиј Велики“ – Негорци, со почеток во 08,00 часот;

ЗЕМЈА НА ЖИВО ЦРКОВНО ПРЕДАНИЕ 

СВЕТА ГОРА - ГРАДИНАТА НА ПРЕСВЕТА БОГОРОДИЦА 

 Кога ќе се спомене манастир и монаштво првата асоцијација што паѓа на ум и што во православниот свет е поим за подвижнички начин на живот е третиот крак од полуостровот Халкидик, наречен Атос или Света Гора. Ова место е познато уште и како градина на Пресвета Богородица, зашто, како што вели преданието, Богомајката, откако по едно патување низ бура се засолнила на бреговите на оваа земја, ја побарала од својот Син за свое наследство. Благословен и постојано заштитуван од Светата Дева, овој дел од полуостровот низ вековите се развил во вистински монашки центар со дваесет големи манастири и многу скитови, каде што истрајно, чесно и неосквернето се живее преданието на Црквата и не постои ништо поважно во животот освен единствената вистинска цел на човекот, а тоа е секогаш да го слави Бога.