На 13. 07. 2010 година на празникот на Собор на 12 – те Апостоли - Павловден, во храмот Св. Архангел Михаил во Виница, Митрополитот Повардарски г. Агатангел заедно со Митрополитот Европски г. Пимен и Надлежниот Митрополит Брегалнички г. Иларион, во сослужение на Игуменот на Лесновскиот манастир отец Дамаскин и свештеници од Брегалничката и Европската епархија, отслужи Света Архиерјска Литургија.

На светата литургија, Митрополитот г. Иларион, по Негов предлог, а согласно Одлуката на Светиот Архиерејски Синод на Македонската Православна Црква – Охридска Архиепископија, го одликуваше, протојерејот Бранко Богданов – старешина на храмот Св. Архангел Михаил во Виница, во ставрофорско достоинство и му додели граден крст.

Архиепископ Охридски и Македонски Стефан

(слово изречено на празникот на светите апостоли Петар и Павле)

Храмовите - небесни двери на земјата

Со чинот на малото осветување на обновениот олтар со престолот и новиот иконостас и со отслуженава Света Литургија, молитвено ја одбележуваме 100 годишнината од осветувањето на овој велелепен храм, воедно чествувајќи го и празникот на патроните на Кичево и на овој крај - св. првопрестолни апостоли Петар и Павле.

Но, за да ја разбереме смислата и улогата на овој кичевски храм, и на сите наши храмови, би сакал да кажам збор - два за историјата и за местото на храмот, воопшто, во духовната историја на народите, како и за историјата на храмот по македонската земја.

Имено, кај Евреите, скинијата била најстарото јавно место за молитва, која му претходела на храмот, подигнат од царот Соломон на околу 10 века пред Христа. Тој Соломонов, уште познат и како Ерусалимски храм, опстојувал сé до 70-та година по Христа, кога бил урнат од Римјаните, а пред тоа бил двапати обновуван, во времето на Зоровавел (520г.пр Хр) и во времето на Ирод (37-5 пр Хр).

Во Светото Писмо и во црковната терминологија, храмот се именува и како дом Божји, и како дом Господен, и како Царска палата, и како Црква, и како синод односно собор, и како дом за молитва, и како трпеза и сл.

На 12 јули  2010 година, во Осмата   недела по Педесетница, кога Светата Црква го слави споменот на светиот апостол Петар и светиот апостол Павле, во црквата посветена на овие светители во Кичево беше отслужена Света Божествена Литургија на која чиноначалствуваше Неговото Блаженство, Архиепископот Охридски и Македонски г. Г. Стефан во сослужение на Митрополитите Тимотеј, Наум, Агатангел и Пимен, архимандритите Нектариј и Партениј и голем број свештенослужители. На Литургијата присуствуваа голем број верници од Кичево, а поголем број од присутните кои беа подготвени после завршувањето на Петровденските пости се причестија со Светите Христови дарови.